The most romantic love poems


The Banks Of Bonnie Doon

Attention: open in a new window. PrintE-mail

Ye flowery banks o' bonnie Doon,
How can ye blume sae fair!
How can ye chant, ye little birds,
And I sae fu' o' care!

Thou'll break my heart, thou bonnie bird
That sings upon the bough;
Thou minds me o' the happy days
When my fause Luve was true.

Thou'll break my heart, thou bonnie bird
That sings beside thy mate;
For sae I sat, and sae I sang,
And wist na o' my fate.

Aft hae I roved by bonnie Doon
To see the woodbine twine,
And ilka bird sang o' its love;
And sae did I o' mine.

Wi' lightsome heart I pu'd a rose,
Frae aff its thorny tree;
And my fause luver staw the rose,
But left the thorn wi' me.

Robert Burns (1759 – 1796)


Bookmark and Share
© Copyright 2009 - 2013 - ClassicalLovePoems.com - Privacy